22 прекршувања на забраната за движење, 657 казни за неносење маска

Од 22.00 часот на 27.03.2021 до 05.00 часот на 28.03.2021 констатирано е дека 22 лица не ја почитувале забраната за движење. Во текот на изминатото деноноќие (27/28.03.2021), пак, на територијата на Република Северна Македонија, за мерката за задолжително носење лична заштита на лице, регистрирани се 657 прекршоци.

Министерството за внатрешни работи апелира до граѓаните да ги почитуваат мерките и протоколите донесени од Владата и сите заеднички да придонесеме за спречување на ширењето на ковид-19.