Блокиран кружниот тек кај Охридска банка / Протест на ВМРО-ДПМНЕ во Охрид

ВМРО-ДПМНЕ ОК Охрид денес организираше протест со блокирање на кружниот тек кај Охридска банка. Протестот е во знак на револт против притворените од случувањата во Собранието на 27 април.

„Она кое што го започнавме и го најавивме пред десетина дена на протестот којшто беше одржан на Градскиот плоштад го продолжуваме во текот на денешниот ден со бојкот на Советот на општина Охрид и со блокирање на главната раскрсница во Охрид, кружниот тек кај Охридска банка. Во текот на наредниот период ќе следуваат уште активности, а ова блокирање на раскрсницата, кај главниот кружен тек кај Охридска банка ќе продолжи и во наредниот период и сите овие активности ќе продолжат се до конечното ослободување на притворените од случувањата во Собранието од 27 април.“ – изјави Кирил Пецаков, претседател на ВМРО-ДПМНЕ ОК Охрид.

Денешниот протест започна во 16:00 часот, а траеше до 17:30 часот.

WebOhrid