Честитка од ВМРО-ДПМНЕ ОК Охрид по повод 9 Мај – Денот на победата над фашизмот и Денот на Европа

ВМРО-ДПМНЕ ОК Охрид упатува честитки по повод 9 Мај – Денот на победата над фашизмот и Денот на Европа.

„9 Мај е денот кога победи храброста и самопрегорот над теророт и газењето на човековото достоинство.

На 9 мај 1945 година со потпишувањето на безусловна капитулација на нацистичка Германија, официјално беше ставен крај на Втората светска војна.

Во таа борба застана и македонскиот народ определувајќи се за антифашизмот, бранејќи ја со своите животи правдата и слободата.

За жал веќе три години во Македонија владее хибриден режим, корупција, криминал и тоа не се принципи и вредности за европска иднина.

Но европските принципи и вредности ќе победат затоа што заедно со народот пред сѐ ќе победи обновата на Македонија.

Нека е честит Денот на победата над фашизмот и Денот на Европа!“ – стои во честитката од ВМРО-ДПМНЕ ОК Охрид.