Дејан Недев стана светски шампион во кати во фудокан карате-до

Македонскиот каратист Дејан Недев освои злато и стана светски шампион во кати на 7 Светски фудокан карате-до, шампионат кој од 3 до 5 овој месец се одржа во Клуж, Романија. Матеј Ангеловски го освои сребрениот медал во фукуго за сениори.

На шампионатот учествуваа вкупно 48 земји со над две илјади натпреварувачи. Овој златен медал е историски за Македонија бидејќи прв пат е освоен во кати за сениори, соопшти Македонската треадиционална карате федерација.