Екологистот Наумоски за проектот „Економски, еколошки и туристички развој на сливното подрачје на Охридското Езеро“

ОБРАЌАЊЕ од Наумоски Лазо, дипломиран инжинер агроном, експерт по аграр екологија и независен екологист од Охрид.

Повод изработка на проект ЕКОНОМСКИ, ЕКОЛОШКИ  И ТУРИСТИЧКИ РАЗВОЈ НА СЛИВНОТО ПОДРАЧЈЕ НА ОХРИДСКОТО ЕЗЕРО.

На овој проект јас како негов координатор работам на подолго време и сега сум во завршна негова фаза и истиот ќе биде доставен до централната власт на Република Македонија и локалните власти на Охрид и Дебрца.

Сливното подрачје на Охридското езеро претставува само еден дел од вкупната површина на Р.Македонија. Вкупната површина на Р.Македонија изнесува 26 000 км².

 Сливното подрачје на Охридското езеро се протега од планината Пресека до Св.Наум и планината Буково од општина Охрид.

 Сите сливни реки од општините Дебрца и Охрид се вливаат во Охридското езеро.

   Општините Охрид и Дебрца располагаат со свои економски потенцијали и тоа се:

     – Охридското езеро за развој на езерскиот туризам

    – планини со богат шумски зелен појас за развој на алтернативниот туризам

      – градот Охрид и езерото од далечната 1980 година се под заштита на УНЕСКО

     – мора одговорно и со големо заедничко залагање општините Охрид и Дебрца како и целото население кое живее и е дел од двете соседни општини да работат еколошки да се сочува сливното подрачје на Охридското езеро.

            – да се изгради регионална депонија за целиот југозападен регион по сите европски и светски стандарди, но надвор од сливното подрачје на езерото

            – во општина Дебрца, поконкретно во село Мешеишта да се отвори средно училиште за аграр и екологија за добивање на образовани фармери за целиот југозападен регион

            – иднината на фармарите ќе биде производство на еколошки здрава храна

            – општина Дебрца со вкупна површина на обработливо земјиште од преку 9000 хектари да претставува како главен снабдувач со еколошки здрава храна од градинарски, овоштарски, сточарски и полјоделски производи за развојот на езерскиот туризам во Охрид и пошиоркиот регион на Р.Македонија.

            – како идни концесионери на Охридското езеро за спорт и риболов поврзан со туризмот ги гледам локалните власти на Охрид, Струга и Дебрца

            – шумите во сливното подрачје на Охридското езеро да се прогласат на:

1. заштитни шуми
2. шуми од посебни намени

            Ова што го предлагам за шумите е во интерес:

            – нивото на водата на Охридското езеро да се одржува во стабилна состојба, односно да немаме негово намалување ниту негово покачување

            – шумите да се користат за развој на антелнативниот и планинскиот туризам и огледување на печурките тартуф кои имаат голема економска вредност и денес истото го применуваат скоро сите европски земји

Со почит,

Наумоски Лазо

дипломиран инженер

*Ставовите во категоријата Писма/Колумни се лични ставови на авторите, за кои редакцијата на WebOhrid не сноси никаква одговорност.