Градежни работници создавале бучава изведувајќи зафати во раните утрински часови

На 13.07.2024 година во 02:50 часот, во СВР Охрид е пријавено дека, на улицата „Македонски просветители“ во Охрид, градежни работници поставувале бетонска плоча на станбен објект во изградба.

При извршена контрола, полициските службеници, при изведување градежни зафати со работни машини кои создавале механичка бучава, ги затекнале В.К.(40) од Ресен и А.Л.(21) и Т.Д.(25), двајцата од Охрид, вработени во градежна фирма од Охрид.

По целосно документирање на настанот, СВР Охрид ќе поднесе соодветни пријави.

WebOhrid / 13.07.2024 / СВР Охрид