Градоначалникот Георгиески ги прими наградените од Меѓународниот натпревар „Балкан Јуниор 2019“

Градоначалникот Константин Георгиески, денеска ги прими и им честиташе на учениците Надица Кузманоска и Александар Лазароски од ОЕМУЦ „Св.Наум Охридски“, кои под менторство на професорите Владо Јанкулоски и Љупчо Балески, го освоија третото место на Меѓународниот натпревар „Балкан јуниор – Охрид 2019“.

На средбата, директорот на училиштето Сашо Недески, на градоначалникот Константин Георгиески му врачи благодарница за поддршката на Локалната самоуправа во организирањето на Седмиот Меѓународен натпревар од областа на електротехниката, машинството и мехатрониката „Балкан Јуниор 2019“.

На натпреварот, кој се одржа од 02. до 05.05.2019 година во ОЕМУЦ „Св. Наум Охридски“ учествуваа 16 ученици од 8 средни технички училишта од балканските земји.