Изложба на книги од роднокрајни автори родени во јануари

Со изложба на книги се одбележуваат родендените на неколку роднокрајни автори.

НУ Библиотека „Григор Прличев“и во оваа 2019 година продолжува со лани воспоставената практика со изложба на нивни дела да бидат одбележани родендените на роднокрајните автори.

Овој јануари се одбележуваат родендените на следните автори: Видое Видически, Иван Точко, Јован Котевски и Трајан Петровски.

Во читалната на библиотеката од денеска до 29 јануари ќе бидат изложени примероци од целокупното творештво од посочените автори.

Во јануари е роден и патронот на библиотеката поетот и преродбеник Григор Прличев, но чествувањето во негова спомен и слава традиционално се на 5 и 6 февруари со „Прличевите беседи“ и „Прличевата визита“.