Јавна дебата за јавниот повик кој Општина Охрид го спроведуваше во рамки на програмата ReLOAD2

Заради поголема транспарентност во спроведување на следниот јавен повик, а со намера да се слушне гласот на невладиниот сектор Општина Охрид свикува јавна дебата на која ќе бидат определени приоритетните области за следниот јавен повик.

На јавниот повик кој во текот на 2023 година Општина Охрид го спроведуваше во рамки на регионалната програма за локална демократија во Западен Балкан 2 (ReLOAD2), право да поднесат предлог проекти имаа сите граѓански организации чии проекти се доследни на развојните цели на општина Охрид: младински активизам и партиципација, родова еднаквост, економска и социјална инклузија, заштита на животната средина, туризам и култура.

Јавната дебата на која ќе бидат определени приоритетните области за следниот јавен повик ќе се одржи во среда (5ти март) почеток 12 часот и 30 минути во мала сала на Општина Охрид.

WebOhrid / 28.02.2025 / Општина Охрид