Конкурс за доделување стипендии на ученици од Општинските основни и средни училишта
Врз основа на член 50, став 1 од Законот за локалната самоуправа („Службен весник на Република Македонија“ бр 5/02) Градоначалникот на општина Oхрид објавува
КОНКУРС
за доделување стипендии на ученици од општинските основни и средни училишта на подрачјето на Општина Охрид за учебната 2017/2018 година
Општина Охрид за учебната 2017/2018 година ќе додели вкупно 80 ученички стипендии и тоа:
– 15 (петнаесет) стипендии за талентирани ученици од VII,VIII и IХ одделение од општинските основни училишта на подрачјето на општина Охрид ;
– 25 (дваесет и пет) стипендии за ученици кои живеат во потешки социјални услови од VII,VIII и IХ одделение од општинските основни училишта на подрачјето на општина Охрид;
– 15 (петнаесет) стипендии за талентирани ученици од II,III и IV година во општинските средни училишта, на подрачјето на општина Охрид и
– 25 (дваесет и пет) стипендии за ученици кои живеат во потешки материјални услови, од II,III и IV година во општинските средни училишта, на подрачјето на општина Охрид .
ПРИЈАВА
ИЗЈАВА ЗА ЛИЧНИ ПОДАТОЦИ
ИЗЈАВА
Услови за доделување стипендии
А) Право на стипендија за талентирани ученици имаат кандидатите кои учат во општинските основни и средни училишта на подрачјето на општина Охрид, и ученици жители на општина Охрид кои учат во друга општина во јавно средно училиште кое не е застапено во општина Охрид а ги исполнуваат следниве услови:
– да се жители на општина Охрид
– да се редовни ученици
– да освоиле награди за поединечно освоено I, II или III место на државен или меѓународен натпревар во областа на науката, техниката, културата и уметноста
– да оствариле континуиран одличен успех во текот на школувањето од VI до IХ одделение за основците и од I до IV година па нагоре ,за средношколците
– да не се корисници на стипендија или кредит од други институции или фирми.
Б) Право на стипендија за ученици кои живеат во потешки социјални услови имаат кандидатите кои учат во општинските основни и средни училишта на подрачјето на општина Охрид и ученици жители на општина Охрид кои учат во друга општина во јавно средно училиште кое не е застапено во општина Охрид а ги исполнуваат следниве услови:
– да се жители на општина Охрид
– да се редовни ученици
– да имаат континуирано примерно поведение
Начин на пријавување
– Учениците кои се пријавуваат по конкурсот, треба да го пополнат потребниот образец за пријава поставен на интернет страната www.ohrid.gov.mk.
Со Пријавата потребно е да ги достават следните документи:
– потврда дека е редовен ученик ;
– фотокопии од свидетелствата;
– извод на родени (копија);
– фотокопии од дипломи од освоени награди на натпревари од областа на науката,техниката, културата и уметноста (за стипендии за талентирани ученици);
– потврда за висината на примањата за сите членови на семејството на ученикот издадена од УЈП (за стипендии за ученици кои живеат во потешки социјални услови );
– изјава потпишана од родител/старател дека доставените документи се вистинити и дека ученикот не е корисник на друга стипендија или кредит од друга институција или фирма.Изјавата е објавена на интернет страната www.ohrid.gov.mk
Висината на стипендијата
– Висината на стипендијата ќе изнесува 1500,00 денари месечно за девет месеци во текот на учебната 2017/2018 година.
Рок на пријавување
– Потребните документи, учениците треба да ги достават најкасно до 20.12.2017г ,на адреса: Општина Охрид ул.,, Димитар Влахов“ бр. 57 – Охрид , во затворен коверт со назнака „За Комисијата за спроведување на Конкурсот за доделување ученички стипендии“
– Документите на кандидатите кои се некомплетни и ненавремено доставени нема да бидат разгледувани.
