Кривична пријава за злоупотреба на службена положба и овластување

Оддел за сузбивање на организиран криминал и корупција на МВР до Основното јавно обвинителство за гонење на организиран криминал и корупција, а поради постоење основа сомнение за сторено кривично дело – “злоупотреба на службена положба и овластување“, по член 353 став 5 од КЗ на РСМ, поднесе  кривични пријави против лицата С.Ј.(59), Т.Ѓ(62), В.С.(43), М.Т. (59) и Р.Д. (60) сите од Скопје, соопшти на денешната прес конференција портпаролот на Министерството за внатрешни работи Тони Ангеловски. 

Истовремено поднесена е кривична пријава и против лицата Г.Р. (51) во својство на управител на “Гром Промет“ ДООЕЛ Скопје, Ч.А.(67)во својство на управител на “ЕМАГ“ ДОООЕЛ Скопје, С.П(53)во својство на управител на “ДОТ МЕБЕЛ“ ДООЕЛ Скопје, и Т.К. (58) во својство на физичко лице, а поради постоење основи на сомнение дека го сториле кривичното дело -“поттикнување“ по член 23, а во врска со кривичното дело – “злоупотреба на службена положба и овластување“ по член 353 став 5 од КЗ на РСМ. Во текот на денов, со Наредба за приведување пред Судија на претходна постапка веќе се изведени лицата С.Ј., Т.Ѓ и В.С. .

Според документираните сознанија од истрагата, пријавените С.Ј. – во својство на градоначалник на Општина Карпош, Т.Ѓ. во својство на раководител на Одделение за недвижен имот и постапка за експропријација на недвижности во Сектор за правни работи на општината, В.С. во својство на виш соработник во Одделение за спроведување на урбанистички планови во Сектор за урбанизам при општина Карпош, М.Т. во својство на вработена во Одделение за просторно и урбанистичко планирање во Секторот за урбанизам во општина Карпоши Р.Д. во својство на вработена какоизвршител на работи од областа на архитектонвски планирања во општина Карпош,постапувајќи по барања за утврдување на правен статус на објекти лоцирани на ул.„Илинденска“, на катастарски парцели во општина Карпош, во периодот од 2011 до 2017 година ја злоупотребиле својата службена положба и овластување и ги пречекориле границите на своите службени овластувања“, рече Ангеловски. 

Имено тие превземале дејствија кои не смееле да ги превземат, иако знаеле и согласно својата службена положба и овластувања биле должни да знаат дека објектите за кои што се поднесени барањата за утврдување на правен статус од страна на правните субјекти „Гром Промет“ ДООЕЛ Скопје, „ЕМАГ“ ДООЕЛ Скопје, „ДОТ МЕБЕЛ“ ДООЕЛ Скопје, како и барањето поднесено од физичкото лице, пријавениот Т.К. всушност не се бесправно изградени објекти, туку биле времени објекти односно монтажно/демонтажни бараки поставени на градежно неизградено земјиште во сопственост на државата и дека согласно законските одредби несмеело да бидат предмет на постапка за утврдување на правен статус на бесправно изградени објекти согласно Законот за постапување со бесправно изградени објекти.

„Сепак, и покрај сето ова, пријавените С.Ј., Т.Ѓ, В.С., М.Т. и Р.Д. постапиле по поднесените барања и спротивно на законот, на времените објекти им дале третман на бесправно изградени објекти, притоа давајќи согласност за вклопување на времените објекти во урбанистичко планската документација. Така, со потпишување на решение за утврдување на правен статус на времените објекти како да се бесправно изградени објекти, на подносителите на барањата им овозможиле да ги запишат објектите во јавните книги за недвижности како легални објекти во нивна сопственост и со тоа да ги исполнат условите да имаат ексклузивно право да извршат откуп на земјиштето, сопственост на Република Северна Македонија согласно Законот за постапување со бесправно изградени објекти, а спротивно од Законот за градежно земјиште, според кој пак времените објекти не се дел од градежното земјиште и не може да бидат основ на барање за стекнување со право на сопственост врз градежното земјиште на кое што се поставени“, соопшти Ангеловски.

На тој начин службените лица од општина Карпош им овозможиле на на правните лица “Гром Промет“ ДООЕЛ Скопје, “ЕМАГ“ ДООЕЛ Скопје, “ДОТ Мебел“ ДООЕЛ Скопје, како и на физичкото лице Т.К. на незаконски начин да се стекнат со право на сопственост на објекти и ексклузивно право на откуп на земјиште под објект во сопственост на државата.

Така,  на правното лице “Гром Промет“ ДООЕЛ Скопје му овозможиле противправно да стекне имотна корист во вид на градежно земјиште во сопственост на државата во вкупна површина од 1.533 метри квадратни, кое како градежно неизградено земјиште во 2016 година имало вредност од  најмалку 27.594.000 денари (или 448.683 евра), а на правното лице “ЕМАГ“ ДООЕЛ Скопје,  противправно да стекне имотна корист во вид на градежно земјиште во вкупна површина од 722 м2, кое, пак, како градежно неизградено земјиште во 2016 година имало вредност од  најмалку 12.996.000 денари (или 211.317 евра). Исто така со ваквите незаконски дејствија на службените лица од општина Карпош на правниот субјект “ДОТ Мебел“ ДООЕЛ Скопје и на физичкото лице Т.К. им  било овозоможено да се стекнат со ексклузивно право на откуп на земјиште под објект во сопственост на државата во висина од 450 денари по квадратен метар иако доколку се одржело јавно надавање почетната, стартна, цена би била 300 евра од метар квадратен.