На денешниот празник Свети Трифун, исплатени се 315.745.324 денари кон 11.689 лозари

Денеска кога го празнуваме Свети Трифун, заштитник на лозарите се исплатија 315.745.324,00 денари кон 11.689 лица.

Исплатата се однесува за подмерката 1.11 за остварено производство на грозје.

Корисници на оваа подмерка се земјоделските стопанства кои имаат пријавено обработлива земјоделска површина со лозови насади, а оствареното производство на грозје го предале во регистриран откупувач, вклучително и произведеното грозје за сопствениот преработувачки капацитет или производството го користеле за сопствено потреби и продажба на пазар.

Висината на директните плаќања се зголемува за 8.400 денари по хектар во однос на утврдената висина на директните плаќања од подмерката 1.11.

Грижата за земјоделците продолжува и понатаму.

WebOhrid / 14.02.2025 / Министерство за земјоделство, шумарство и водостопанство