Одржана извидничка натпреварувачко еколошко едукативна акција „Пролетни бакнежи и прегратки“

На ден 01.06.2019 година се одржа извидничка натпреварувачко еколошко едукативна акција во Скопје насловена како „Пролетни бакнежи и прегратки“ со мото „ЕКО ХЕРОИ“.

На самата акција учесниците имаа прилика преку загатки и вештини да го истакнат своето знаење за зачувување на животната средина и начин на искористување на отпадот преку рециклирање.

На акцијата зедоа учество 27 екипи од целата наша Татковина.

Извидничкиот Езерски Одред Пионер од Охрид учествуваше со четири екипи на развигорци при што екипата ШКОЛКИ го освои првото место. Со ова продолжува активно да се спроведува извидничкото движење во градот преку нови генерации на извидници кои достоинствено ги бранат боите на одредот и градот Охрид.