Одржани предавања за ренџери и управувачи со заштитени подрачја во ЈУНП „Галичица“

Европската Ренџерска Федерација (ERF) во соработка со SMART (Spatial Monitoring and Reporting Tool) во периодот од 30.09 до 04.10.2024, во Охрид организира обука за ренџери. На оваа обука учество зедоа и ренџерите од Националниот парк Галичица.

Во рамки на оваа обука од страна на ERF и SMART беа одржани предавања за ренџери и управувачи со заштитени подрачја за мониторинг и заштита на биодиверзитетот со употреба на cutting-edge технологијата, известување, продлабочување на знаењата на реџерската служба за заштита на природа, практични вежби преку студија на случај, како и проширување на глобалната мрежа на SMART.

Во просториите на Националниот парк Галичица беше одржана презентација за вредностите на паркот, по која се отвори дискусија за предизвиците во работењето на полето на заштита на природата и функционирањето на паркот.

По посетата на инфо – центарот на ЈУНПГ Охрид, учесниците се упатија на теренска работа преку практично изведување на вежба на неколку локалитети во Националниот парк Галичица.

WebOhrid / 01.10.2024 / ЈУНП „Галичица“