ОК ВМРО-ДПМНЕ Охрид со честитка за 2 Август – Илинден, Ден на Републиката

ОК ВМРО-ДПМНЕ Охрид упатува честитка до сите граѓани, по повод големиот државен празник 2 Август – Илинден, Ден на Републиката.

„Почитувани,

ВМРО-ДПМНЕ ОК Охрид по повод големиот државен празник 2 Август – Илинден, Ден на Републиката упатува искрени честитки до сите граѓани.

Илинден е симбол на непокорот и борбата за слободна и независна Татковина, Република Македонија. Аманетот од Илинденците и Асномците, а наша цел е да ги чуваме и негуваме придобивките од двата Илиндена, двата столба – Крушево 1903 и АСНОМ 1944.

Не смееме да ја заборавиме храброста и решителноста на нашите предци. Големиот ден – Илинден е ден на слава и гордост, но и ден за продолжување на борбата за зачувување на Татковината и нејзиниот напредок.

Нека е честит и вековит Илинден!

Нека е вечен Охрид и нека е вечна Република Македонија!“ стои во честитката.