Положено свежо цвеќе на спомен обележјата од НОБ

11/10/2024

По повод 11. Октомври-Денот на народното востание, делегација на Општина Охрид предводена од претседателот на Советот на Општина Охрид, Перчо Божиновски положи свежо цвеќе пред спомен обележјата на паднатите борци од НОБ во градскиот парк.

Пред спомен обележјата на борците свежо цвеќе положија и членови од Сојузот на Борците и останати претставници од политичкиот и јавниот живот од Охрид.

По повод празникот, свежо цвеќе беше положено и пред спомен-обележјата пред Основниот Суд, пред Средното економско училиште и кај градските гробишта.