Посебен режим во сообраќајот кај кружниот тек на булеварите „Туристичка“ и „АСНОМ“ во Охрид

Полициската станица за безбедност во сообраќајот на патиштата Охрид, ја известува јавноста дека, од денеска на сила ќе биде посебен режим во сообраќајот на булеварите „Туристичка“ и „АСНОМ“ во Охрид.

Поради значителните оштетувања на коловозите на овие сообраќајници, предизвикани од дефект на водоводна мрежа, ќе нема можност за нормално одвивање на сообраќајот по булеварот „Туристичка“ од крстосница со „АСНОМ“ до улицата „Јане Сандански“ и крстосницата на булеварот „Туристичка“ до улицата „Никола Карев“.

Полициската станица за безбедност во сообраќајот на патиштата aпелира до учесниците во сообраќајот, да бидат внимателни, да ја почитуваат поставената хоризонтална и вертикална сообраќајна сигнализација како и насоките на полициските службеници.

WebOhrid / 24.01.2024 / Полициска станица за безбедност во сообраќајот на патиштата