Повредени две лица во сообраќајна незгода кај Лескоец

Денеска (26.07.2023) во 00:05 часот во СВР Охрид, пријавено е дека на магистралниот пат Охрид– Ресен, кај селото Лескоец, охридско, се случила сообраќајна несреќа помеѓу патничко возило „опел“ со охридски регистарски ознаки, управувано од Д.Н.(31) од Охрид и патничко возило „пежо“ со битолски регистарски ознаки, управувано од З.К.(53) од с. Горно Оризари, битолско.

Во несреќата со тешки телесни повреди се здоби возачот на возилото „опел“ констатирани во Општа болница Охрид, додека со телесни повреди се здоби возачот на возилото „пежо“ и сопатник од истото возило Н.А. од Охрид.

Извршен беше увид од увидна екипа од СВР Охрид.

WebOhrid / 26.07.2023 / СВР Охрид