Празнична честитка од градоначалникот Пецаков за граѓаните од исламска вероисповед

По повод големиот верски празник Рамазан Бајрам, градоначалникот Кирил Пецаков упати честитка до граѓаните на Охрид со исламска вероисповед.

– Ви  посакувам овој голем  празник  да го поминете во добро здравје, радост, среќа и хармонија, споделувајќи љубов со ближните. Преку  меѓусебното  почитување и толеранција, овој голем празник, ги  потврдува универзалните вредности  на човекољубието и заедничкото во различните  верски определби.

Веруваме  дека граѓаните со исламска вероисповед од Охрид, како нераскинлив дел од македонското општество и натаму ќе бидат активни чинители во градењето на заедништвото и меѓусебно разбирање – се вели во честитката на градоначалникот Пецаков.

WebOhrid / 10.04.2024 / Општина Охрид