Премиера во Охрид на претставта „Стаклена менажерија“ од Тенеси Вилијамс

Претставата „Стаклена менажерија“ од Тенеси Вилијамс, премиерно ќе биде прикажана во Охрид, на 3ти јуни (недела), со почеток во 20:00 ч. Влез ќе чини 250 денари.

Претпремиера ќе има на  2ри јуни (сабота), со почеток во 20:00 часот. Влезот ќе чини 200 денари.

Во претставата играат: Никола Тодороски, Стрезо Стаматовски, Адријана Билаловиќ Тодороска и Филип Кипровски, во режија: Софија Ристевска Петрушева. Превод: Јасмина Петровска, сценограф: Михаел Димитровски, костимограф: Андреј Ѓеоргиевски, кореограф: Кире Миладиноски, фото и дизајн: Петар Тасевски.

„Стаклена менажерија“ е претстава за комплексите, несигурноста и суровоста на современиот човек, кој сосема ја загубил солидарноста и сочувството кон послабиот. Во ова време на либерален капитализам, хуманоста полека исчезнува. Стаклена менажерија е емоционално патување низ комплексноста на семејните односи. Претставата е болен крик за големата неспособност на човекот да љуби.“ вели Софија Ристевска Петрушева.

Билетараницата на театарот работи секој ден од 10:00 до 20:00 часот.