Приведен разбојник од Скопје

Секторот за внатрешни работи Скопје, до надлежното Основно јавно обвинителство во Скопје, поднесе кривична пријава против лицето С.П.(32) од Скопје поради постоење основи на сомнение дека извршил едно кривично дело „разбојништво“, казниво по член 237 од Кривичниот законик на Република Македонија, при што се стекнал со противправна имотна корист од околу 35.000 денари.

Пријавениот С.П. на 03.10.2018 година околу 20.50 часот во аптека на улица „Лука Геров“ со закана со нож од вработената одзел 35.000 денари од касата, по што побегнал.

По преземени мерки и активности, С.П. бил лишен од слобода на 12.10.2018 година. Во разговор со полициски службеници пријавениот го признал делото, а ги посочил и местата каде што ги фрлил предметите кои ги носел на себе при вршењето на кривичното дело.

На 13.10.2018 година, врз основа на судска наредба, бил извршен претрес во домот на пријавениот.