Првиот ден од настапот на Балканското првенство за сениори и ветерани проследен со многу успеси

Македонската сениорска карате репрезентација успешно го започна настапот на Балканско Првенство за сениори и ветерани што се одржува во Будва – Црна Гора каде настапија нашите репрезентативци.

На овој голем настан учество земаа 12 држави со 350 натпреварувачи каде на првиот ден од ова балканско првенсто се постигна следниве резултати:

• Михаела Мишовска во категорија -50 кг. го освои  бронзениот медал
• Сара Дука во категорија -50 кг. го освои  бронзениот медал 
• Јована Мицовска во категорија -61 кг. го освои  златниот медал 
• Викторија Јовановска во категорија -61 кг. го освои сребрениот медал 
• Магдалена Божиноска во категорија -61 кг. го освои бронзениот медал 
• Ангела Мојсовска во категорија -68 кг. го освои  бронзениот медал

Со тоа денешниот настап заврши, а утре следуваат борбите во машка и настапот во кати во женска конкуренција.