Санкционирани 92 пребрзи возачи на подрачјето на СВР Охрид
На 14.08.2022 година во периодот од 15.00 до 20.00 часот, на подрачјето на СВР Охрид извршени се засилени акциски сообраќајни контроли.
Притоа, полициските службеници затекнале и санкционирале 92 возачи на моторни возила кои во и надвор од населено место ја надминале дозволената брзина на движење (Охрид-18, Струга-22, Кичево-47, Дебар-05).
Засилените контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи за да ја зголемиме безбедноста во сообраќајот.
