Собрани големи количини отпад во еколошката акција „Генералка викенд“

Вкупно 160 вреќи ПЕТ отпад и 10 вреќи хартија беа подигнати во рамки на еколошката акција „Генералка викенд“ која се одржа во саботата на 7-ми мај 2022 година во Охрид.

Акцијата ја реализираа Општина Охрид и ЈП „Охридски Комуналец“ со поддршка на здружението „Брег на младоста“, компанијата „Костал“ и учениците од сите општински училишта. Во теренските активности беше опфатен потегот од плажата „Горица“ до месноста „Свети Стефан“, потегот од Билјанини Извори до хотел „Парк“ и дворните места на училиштата.

Еколошката акција ја организираше „Мен енд маунтен“ со поддршка на Пивара Скопје, Пакомак и Министерството за животна средина. Целта на акцијата е подигнување на еколошката свест за одговорност кон природата и за секои 10 кг собран отпад да се засади по едно дрво.

WebOhrid / 11.05.2022 / Општина Охрид