Стратегија за развој на женско претприемништво во Општина Охрид 2024 – 2029
По основањето на Советот за женско претприеништво во февруари 2023 година, општина Охрид е прва општина во регионот која изработи и усвои Стратегија за развој на женско претприемништвo во општина Охрид 2024-2029.
Општина Охрид во рамки на проектот финасиран од Европската унија „Национална платформа за женско претприемништво“ преку секторот за туризам и локален економски развој иницира и поддржа креирање на документ за развој на локални политики од областа на женско претприемништво.
Стратегијата за развој на женско претприемништво е документ кој е усогласен со веќе усвоените национални политики за поддршка и развој на женското претприемништво и проилзеле како резултат на континуираните заложби на општина Охрид за креирање на мерки и активности кои би довеле по поголема вклученост на жените на пазарот на трудот.
Стратегијата за развој на женското претприемиштво во Општина Охрид има за цел економското јакнење на жените преку создавање на поволна бизнис клима и обезбедување поддршка за
развој на нивниот претприемнички потенцијал со што ќе се придонесе кон развојот на постоечките и отворање на нови претпријатија, креирање на нови работни места, а со тоа и јакнење на целокупната економија во општината.
СТРАТЕГИЈА ЗА РАЗВОЈ НА ЖЕНСКО ПРЕТПРИЕМНИШТВО ВО ОПШТИНА ОХРИД 2024 – 2029
WebOhrid / 04.10.2024 / Општина Охрид
