Таневски: Изградба на современа инфраструктура во фокусот на СДСМ и МОЖЕМЕ

Изјава за медиуми: Лазе Таневски, кандидат за пратеник од редовите на СДСМ и Коалицијата МОЖЕМЕ во ИЕ 5

Тема: Изградбата на современа инфраструктура во фокусот на СДСМ и МОЖЕМЕ

Почитувани сограѓани, драги охриѓани

Се гради низ целата држава. Се гради низ Охрид, градот секој ден ни добива, поубав и далку помодерен лик.

Градиме инфраструктура за сите, во вонредни околности, почитувајќи ги мерките за заштита. Тоа е новото нормално, на овој начин и помагаме на економијата во многу важен период.

Пандемија со вирус бара опремени болници и добри патишта за транспорт.

Владата предводена од СДСМ инвестира во инфраструктурата како никогаш досега.

Најголемата инвестиција кај нас е во колекторскиот систем во Охрид. Со години запоставен а значаен за да си го зачуваме драгоценото Охридско Езеро како бисер и природна реткост.

-Извршена е Реконструкција на стариот пат Охрид – Струга.

•              булевар „Туристичка“;

•              улица „Македонија“;

•              улица „Егејска“;

•              улица „АСНОМ“;

-Асфалтирани се голем број улици во сите населби и селата во општината;

-Поставена е нова атмосферска и фекална канализација;

-Партерно се уредуваат патеки, паркинзи и тротоари.

Во моментов се работи на неколку важни инфраструктурни инвестиции

Реконструкција на улиците: „15-ти Корпус, „Абас Емин“, „Прва Македонска ударна бригада“, пробиена е новата улица кај поранешната Касарна, Охридска Бригада

Реконструкцијата на велосипедски патеки и тротоари на булевар „Туристичка“ е во завршна фаза.

Градиме 260 км автопати. Градиме 300 км експресни патишта. Градиме 900 км локални патишта. Рехабилитираме повеќе од 1500 км постоечки патни правци низ земјата.

И покрај сите перипетии се гради автопатот Охрид – Кичево а ќе почне и реконструкцијата на патот Охрид – Св.Наум

Ги прошируваме капацитетите на меѓународните коридори и клучните премини Ќафасан и Деве Баир.

Покажавме дека можеме и умееме. По 15 јули ќе покажеме дека можеме уште подобро, можеме уште повеќе.

Заокружете го бројот 3 за Ваша и сигурна иднина Вашите деца! – истакна Таневски.