Ученици од РЦСОО „Ванчо Питошески“ Охрид дел од предновогодишниот хуманитарен базар

Во духот на предновогодишната магија и хуманоста, учениците од РЦСОО „Ванчо Питошески“ – Охрид активно се вклучија во предновогодишниот хуманитарен базар, организиран од страна на Црвен Крст Охрид и Општина Охрид, кој се одржа на плоштадот „Крушевска Република“.

Приготвеното од вредните раце на нашите ученици,  потпомогнати од професорите: Елена Спировска, Катерина Џамбазова и Васко Талевски, го дополни настанот со посебна арома и впечатливост.

Собраните средства ќе бидат наменети за разубавување на новогодишните празници на социјално-загрозените семејства во Охрид.