Утре ќе се одржи XLV Илинденски пливачки маратон

Во организација на Клубот за спортови на вода Охридски бранови 2008 Охрид, а под покровителство на Советот на општина Охрид, традиционално на 02.08.2024 год. (петок) ќе се одржи XLV-от Илинденски пливачки маратон – Куп во далечинско пливање на патеката Горица – Охрид во должина од 2,5 км.

На овој пливачки маратон учество ќе земат преку 60 пливачи од Македонија и странство, кои ќе стартуваат во две групи-категории-првата група (пливачи постари од 16 години старост – родени 2008 и постари), – втора група (пливачи од 8-15 годишна возраст, односно родени 2009 и помлади).

Стартот на маратонот ќе биде од плажата Горица 1 – Кј Дивоно и тоа: првата група ќе стартува во 10:30 часот, а втората група во 11:30 часот. Целта ќе биде на Градското пристаниште во Охрид-Кеј Македонија (пред х. Нова Ривиера), а пристигнувањето на пливачите се очекува да биде околу половина час по стартувањето.

И оваа година одржувањето на Илинденскиот пливачки маратон е помогнато и од Костал Македонија, Црвен крст Охрид, ЦВО-Здружение на возачи.

Илинденскиот пливачки маратон на Охридското езеро е третата трка од Македонскиот куп во далечинско пливање.

WebOhrid / 01.08.2024 / „Охридски бранови 2008“