Утре во „Св.Наум“ ќе биде означен почетокот на проектот „Нови можности за безбеден зимски авантуристички туризам“
Утре (12.02.20) на граничниот премин „Свети Наум“ официјално ќе биде означен почетокот на проектот „Нови Можности за Безбеден Зимски Авантуристички Туризам“, поддржан од Европската Унија, преку програмата за прекугранична соработка со Р. Албанија.
На настанот предвидено е свое обраќање да имаат Сашо Точков, претседателот на Црвен крст Охрид, Горан Милевски, Министер за Локална самоуправа на Р. C. Македонија, Никола Бертолини, Раководител на одделот за соработка во ЕУД во Р. C. Македонија, Гент Чакај, в.д. Министер за Европа и надворешни прашања на Р.Албанија, Зоран Ногачески, градоначалник на општина Дебрца, Р. С. Македонија, Клодиан Таче, градоначалник на општина Грамш, Р. Албанија и Ѓоко Танасоски директорот на Царинската управа на Р.С. Македонија.
Во рамките на настанот ќе биде потпишан на меморандум за соработка помеѓу Планинската Спасителна Служба и НАЦИОНАЛЕН КООРДИНАТИВЕН ЦЕНТАР за Гранично Управување.
Со овој проект, во општина Дебрца како еден од директните партнери во проектот, предвидено е реконструкција и пренамена на старата училишна зграда во с.Брежани во модерен планинарски дом, реконструкцја пропустите и патот од Брежани до Илинска црква, набавка на опрема и специјално теренско возило за спасување во зимски услови. Исто така предвидени се и обуки за прва помош во зимски услови.
Ова е втор проект кој општина Дебрца го спроведува во рамките на пограничната соработка во насока на подобрување на алтернативниот туризам во општината.
