ВМРО-ДПМНЕ – Охрид со честитка по повод 24 Мај – Ден на македонските и сесловенските просветители

Делегации на ВМРО-ДПМНЕ ОК положија свежо цвеќе пред споменикот на светите браќа Кирил и Методиј по повод 24 Мај – Денот на македонските и сесловенските просветители и учители, светите браќа Кирил и Методиј.

„ВМРО-ДПМНЕ ОК Охрид упатува искрени честитки по повод 24 Мај – Денот на македонските и сесловенските просветители и учители, светите браќа Кирил и Методиј.

Светите Кирил и Методиј со нивната просветителска дејност, која е од епохално цивилизациско значење, во Охрид и Македонија будат посебен пиетет, аманет да ја продолжиме традицијата, да бидеме горди чувари на нивниот завет.

Охрид и Македонија се навистина горди затоа што искрата на писменоста почнува оттука, а просветителскиот факел се прошири низ Европа.

Нека е вечно делото на светите браќа Кирил и Методиј.“ – стои во честитката од ВМРО-ДПМНЕ ОК Охрид.