Возило излета надвор од коловоз на патот Охрид – Св.Наум, повредени три лица

Денес (08.01.2025) во 00:15 часот во СВР Охрид беше пријавено дека на регионалниот пат Охрид – Св.Наум, патничко возило „пежо 206“ со охридски регистарски ознаки, управувано од Н.Л.(20) од селото Оровник, општина Дебрца, излетало надвор од коловозот.

Во несреќата со тешки телесни повреди се здобил возачот и неговите сопатници С.С.(20) од селото Велмеј, општина Дебрца и М.К.(21) од Охрид, констатирани во Специјалната болница „Св.Еразмо“ во Охрид.

Увид изврши увидна екипа од СВР Охрид.

WebOhrid / 08.01.2025 / СВР Охрид