Заврши 38-та Интернационална уметничка колонија „Дебрца 2023“

На 13 август, во селото Белчишта, општина Дебрца, заврши 38-та Интернационална уметничка колонија „Дебрца 2023“. Годинава, најстарата ликовна колонија во Македонија, беше посветена на нејзиниот основоположник, неодамна починатиот педагог и ликовен уметник, Ѓорѓија Целески, додека неговото дело продолжува во рацете на новото раководство под менторство на внуката на основоположникот, Мартина Целеска.

Колонијата се оддржа во уметничката галерија која е отворена во 1985 година, а обновена во 2005 година и најново реновирана оваа година 2023.

На интернационалната уметничка колонија „Дебрца“, твореа 10 ликовни уметници и тоа:

1. Маестро Јордан Манасиески – Охрид

2. Маестро Ставре Димотров Стадим – Скопје

3. Маестро Запро Запров – Скопје

4. Г-дин Војдан Запров – Скопје

5. Натали Николоска – Скопје

6. Андреј Антевски – Куманово (најмладиот учесник на овогодинешната Колонија)

Странски автори:

1. Леетив Намдаг Жанчивин – мистер Ли (монголскиот конзул)

2. Петар Бељашки – Бугарија

3. Велислава Пежгорска – Бугарија

4. Светлана Соло Орлова – Русија.

Интернационалната уметничка колонија „Дебрца“ што заврши на 13 овој месец, има најбогат фонд уметнички дела во земјава и располага со над 700 ликовни дела од врвни уметници од Македонија и светот што претставува, непроценливо македонско и светско културно наследство.

---

WebOhrid / 14.08.2023 / Интернационална уметничка колонија „Дебрца 2023“