Заврши второто издание на Ohrid Water Festival
Со доделување на наградите на овогодинешните победници на Охридскиот пливачки маратон вчеравечер финишираше овогодинешната програма на Ohrid Water Festival.
Исто така беа доделени наградите на најдобрите учесници „МЕЧ РЕЈС Европски куп 2024“ на кој се натпреваруваат екипи од Франција, Грција, Полска, Шпанија и Македонија.
Во организација на Подрачното одделение на Државниот архив вчеравечер беше отворена изложба под наслов „Победници на Охридскиот пливачки маратон“ на која беа изложени фотографии од претходните изданија на маратонот.
Во рамки на забавниот дел на програмата Публиката имаше можност да ужива во неповторлива забава со познатите хитови на групата Суперхикс.
Целта на фестивалот на вода е популаризација на водените спортови на Охридското Езеро и промоција на уникатните потенцијали со кои располага Охрид како најголем туристички центар во Република Македонија.
Во рамки на спортско-рекреативниот дел од програмата беа успешно организирани 20 спортски настани на вода. Како пропратен дел на спортските настани, беше реализирана и богата социјално-едукативна програма која вклучи низа интересни и забавни содржини кои го привлекоа вниманието на публиката.
WebOhrid / 01.09.2024 / Општина Охрид
